Veriu i Kosovës vazhdon ende të mbetet i bllokuar, kjo pasi serbët vijojnë të protestojnë kundër arrestimit të ish-policit Dejan Pantiç, i cili dyshohet se është përfshirë në sulmet kundër zyrtarëve të Komisionit Qendror të Zgjedhjeve në veri të Kosovës dhe policisë, përcjell InLajmi.
Deputeti i VV-së, Artan Abrashi komentoi barrikadat në veri të Kosovës ku sipas tij KFOR kërkoi pak kohë për heqjen e barrikadave e u bën disa ditë.
Sipas Abrashit këtë të enjte një qytetare serbe ka ndërruar jetë vetëm pse nuk pati mundësi të marrë tretman mjekësor dhe sipas tij liria lëvizjes dhe e drejta për të marrë shërbimet shëndetësore janë të patjetërsueshme.
Postimi i tij i plotë:
KFOR kërkoi pak kohë për heqjen e barrikadave ndërkohë që u bënë disa ditë. Sot si pasojë e bllokimit të rrugëve nacionale një qytetare e komunitetit serb ka ndërruar jetë vetëm pse nuk pati mundësi të marrë tretman mjekësor. Liria lëvizjes dhe e drejta për të marrë shërbimet shëndetësore janë të patjetërsueshme. /InLajmi/
