Deputeti i Lëvizjes Vetëvendosje Artan Abrashi, ka dënuar sulmet e fundit në veri të vendit, raporton InLajmi.
Abrashi thotë se të gjitha këto akte kriminale erdhen si pasojë e kërcënimeve të vazhdueshme të Serbisë.
“Dje në mbrëmje në krye të detyrës zyrtare është plagosur një polic. Të mërkurën ne lagjen e boshnjakëve, në të cilën jetojnë shqiptarë, serbë e boshnjakë u raportua se janë hedhur 2 bomba. Të gjitha këto akte u bënë pas kërcënimeve të vazhdueshme të presidentit të Serbisë, si dhe zyrtarëve të lartë serbë, të përfshirë në aktivitete kriminale me qëllim të ndaljes së çdo përpjekje të vendosjes së rendit ligjor e kushtetues në veri. Në 4 komunat në veri nuk është ndarja në serbë e shqiptarë, por është ndarja në banda kriminale dhe qytetarë. Ky dallim po theksohet çdo ditë”.
Deputeti theksoi se në 4 komunat në veri janë banda kriminale, të cilat sipas Abrashit ato duan shtirjen e kontrollit të Beogradit në veri.
Në 4 komuna janë banda kriminale. Ata duan shtrirjen e kontrolli të Beogradit, ata duan mbajtjen e zgjedhje të Serbisë në Kosove sikur të ishte territori i tyre. Ata duan re vrasin e djegin. Prandaj sulmet ndaj institucioneve tona po shtohen. Sfida për të siguruar siguri është e pashmangshme”.
Në fund, ai theksoi se Kosova nuk do të dorëzohet, pavarësisht sfidës për sigurinë e vendit.
“Nuk do të dorëzohet Kosova, nuk do të dorëzohet veriu. Të gjithë duhet t`i dënojmë këto sulme. Pra, duhet të jemi unik. Nuk guxojmë të bëhemi pjesë e agjendave rrënuese ndaj shtetit të Kosovës”, ka thënë ai. /InLajmi/
