Kuvendi i Kosovës pritet ta shqyrtoj Ligjin për Pagat në sektorin publik dhe atë për zyrtarët publik në Kosovë.
Kryetari i Asociacionit të Komunave të Kosovës, Sazan Ibrahimi, tha se Ligji për Pagat në sektorin publik nëse miratohet ashtu siç është propozuar nga Qeveria, do ta dërgoj në degradim këtë sektor.
Kjo pasi sipas Ibrahimit çdo 4 vite menaxherëve të pozitave të ulëta dhe të mesme iu shpallet pozita në konkurs dhe sipas tij kjo ngjall pasiguri në punë dhe punësim.
“Shpresojmë që çdo ndryshim që bëhet në këtë projekt ligj do i ndihmojë zhvillimit të mëtutjeshëm të shërbimit publik mirëpo fatkeqësisht nëse ky projektligj miratohet ashtu siç është propozuar nga Qeveria do dërgoj në degradim të shërbimit publik marrë parasysh se do hiqet sistemi i gradimit në karrierë, pas çdo 4 viteve menaxherave në pozita të ulëta dhe të mesme do u shpallet pozita, kjo ngjallë pasiguri në punë dhe punësim të ri si dhe normal që kualiteti, interesimi e dedikimi i zyrtarëve publik do bie. Pra, me një fjalë do kemi politizim të skajshëm të shërbimit publik pasi që çdo parti e cila vije në pushtet mund ta keqpërdor këtë projekt ligj i cili mund të bëhet ligj për punësime partiake” tha Ibrahimi.
Mirëpo, Sekretari i Sindikatës së Bashkuar të Arsimit, SBASHK, Ymer Ymeri, tha se shpreson që Projektligji për Paga të miratohet sa më parë dhe të hyj në fuqi nga muaji mars i vitit të ardhshëm.
“Presim që sot të miratohet në lexim të parë dhe sa më shpejt që është e mundur të kaloj edhe në lexim të 2-të që të filloj se zbatuari në mars të vitit 2023. Të caktohet edhe vlera e koeficientit. Shkurtimi i afatit për hyrje në fuqi të Ligjit të Pagave mundëson që të punësuarit të fitojnë pagat me këtë ligj sa më shpejt që njëkohësisht është edhe një rritje page”, tha Ymeri për teve1.info .
Kuvendi i Kosovës pritet t’i shqyrtoj në lexim të parë këto 2 projektligje: “8. Shqyrtimi i parë i Projektligjit nr.08/L-196 për Pagat në sektorin publik, dhe7. Shqyrtimi i parë i Projektligjit nr.08/L-197 për Zyrtarët publik”, në pikat 7 dhe 8 të rendit të ditës.
