Avokati Naim Rudari e ka sqaruar se çfarë përmban urdhri për mbrojtje nga dhuna në familje kur lëshohet gjykata.
Në Info Magazine të Klan Kosovës, ai ka theksuar se urdhri për mbrojtje nuk nënkupton se viktima duhet të ketë edhe prezencën fizike të policisë apo të kujtdo tjetër.
“Urdhri për mbrojtje nga dhuna në familje ia mundëson viktimës që të ketë një mbrojtje shtesë, dhe i cakton kryesit të dhunës në familje apo palës përgjegjëse, siç e quan ligji, kufizime shtesë”, shkruan Klankosova.tv
“Shembull kryesit të dhunës ia kufizon që të mos i afrohet viktimës në një distancë deri në 500 metra, apo në një distancë më të vogël. Për çdo moment nëse viktima parasheh se kryesi i dhunës ka shkelur atë urdhër, domosdo duhet ta thërrasë policinë, policia duhet të veprojë me urgjencë shtesë”, ka thënë Rudari.
