Ish-presidenti i Kosovës, Behxhet Pacolli ka reaguar pas vdekjes së 35 vjeçares në oborrin e QKUK-së, ku dyshohet se u vra nga burri i saj, përcjell InLajmi.
Pacolli tha se ndihet i tronditur nga ky rast duke thënë se si mund të ndodhë një gjë e tillë në qendër të Prishtinës.
Tutje, Behxhet Pacolli shtoi se duhet të dorëzohet burri i viktimës së ndjerë menjëhere, i cili dyshohet se e kreu vrasjen.
Me këtë rast, ai ka shprehur ngushëllime ndaj familjes së viktimës tashmë të ndjerë.
Postimi i plotë i tij:
Kush është ai burrë që ngre armë kundër një gruaje dhe në këtë rast një fëmijë në barkun e saj? Kush ka një zemër të tillë? Si mund të ndodhë kjo në qendër të Prishtinës. Ti që e ke bërë këtë duhet të dorëzohesh menjëherë. Dënimi juaj duhet të jetë më i ashpër ndonjëherë! Jam thëllësisht i tronditur! Ngushëllimet e mia më të sinqerta familjes të së ndjerës./InLajmi/
