Qeveria e Kosovës në mbledhjen e së mërkurës me shumicë votash miratoi Projektligjin për Pagat në Sektorin Publik, si dhe Projektligji për Zyrtarët Publik, raporton InLajmi
Projektligjin për Paga para kabinetit qeveritar e paraqiti ministri Xhelal , ndërsa theksoi se deri tani ka pasur mungesë të bazës ligjore për rregullimin e sistemit të pagave.
“Mungesa e deritanishme e bazës ligjore që rregullon sistemin e pagave në sektorin publik dhe një mori padrejtësisht me vlerësimin e të punësuarve, përcaktimi i pagës me pothuajse 60 akte të veçanta ka fragmentuar sektorin dhe ka shfaqur mungesën e transparencës”, tha ministri.
Tutje ka shtuar ministri Sveçla se reforma në administratë është e mangët pa ligjin për pagat.
“Si Ministri përgjegjëse kemi kërkuar një kohë të gjatë analizën e situatës që ka caktuar thelbin e punës në sektorin publik. Sot propozojmë para jush projektligjin për paga në sektorin publik. Reforma në administratë publike është e mangët pa ligjin për paga, prandaj ky ligj synon mirëmbajtjen dhe rregullat e pagës. Kjo s’mund të arrihet ndryshe përpos barazisë dhe drejtësisë. Miratimi i këtij ligji duke marrë parasysh rëndësinë që ka ju ftoj të votoni”, tha Sveçla.
