Nata e madhe e të hënës së 5 dhjetorit, kur edhe do të fillojë transmetimin Big Brother VIP Kosova po afron.
Që nga fillimi, jeni paralajmëruar për një varg surprizash, të cilat nuk kanë mbaruar ende. Të radhës, po e shpalosim tani!
Për t’i diskutuar ngjarjet në detaje dhe çdo gjë tjetër rreth Big Brother VIP Kosova, për ju do të përkujdeset prezantuesja e njohur, Elita Rudi.
Po, po, e lexuat mirë!
Moderatorja Elita Rudi, e cila e ka dëshmuar vetën në sferën televizive duke rrëmbyer zemrat e publikut shqiptar, do të vijë pranë jush me emision special dedikuar edicionit të parë të Big Brother VIP Kosova.
Me panele të ndryshme të të ftuarve, përfshirë edhe të eliminuarit e javës nga formati, nën drejtimin e Elitës, të dielave, të gjitha ngjarjet brenda shtëpisë më të famshme do të trajtohen e komentohen si kurrë më parë në 360 gradë.
Mos harroni, kjo ishte vetëm surpriza e radhës, por jo e fundit. Edhe shumë befasi të tjera do të vijnë për ju ditëve në vijim, shkruan KlanKosova.tv
Big Brother VIP Kosova nis rrugëtimin nga data 5 dhjetor në Klan Kosova dhe ArtMotion.
