Pirate Bay, faqja më e njohur në botë për shpërndarje të përmbajtjeve ilegale, e ka krijuar një shërbim të ri të transmetimit të filmave dhe videove, me të cilin u mundëson vizitorëve qasje të menjëhershme falas në qindra mijëra filma dhe show të piratuar.
BayStream ofron transmetime (stream) të kualitetit të lartë, me të cilin i rivalizon shërbimet si Netflix, Amazon Prime dhe Disney+.
Opsioni shfaqet si butoni “B” dhe gjendet afër linqeve të mirënjohura për shkarkim të përmbajtjeve përmes torrentit, raporton Klan Kosova.
Ky shërbim konsiderohet si “Netflix ilegal” dhe vjen pas tentimeve të shumta ligjore për t’ia ndaluar punën faqes Pirate Bay nga agjencitë ndërkombëtare.
