Presidenti ukrainas Volodymyr Zelensky e quajti një gënjeshtër pretendimin e Iranit për dërgimin e një numri “të kufizuar” dronësh në Rusi para kohës së pushtimit, transmeton InLajmi.
Ai gjithashtu kundërshtoi afatin kohor të paraqitur nga Teherani.
“Sot ka pasur mesazhe nga Irani, nga përfaqësues zyrtarë. Atje ata vendosën të pranojnë se kanë furnizuar me dronë për terrorin rus. Por edhe në këtë rrëfim ata gënjyen”, tha Zelensky.
“Ne rrëzojmë të paktën 10 dronë iranianë çdo ditë dhe regjimi iranian pretendon se gjoja ka dhënë pak dhe madje edhe para fillimit të pushtimit të Rusisë”.
Zelensky tha se nëse “Irani vazhdon të gënjejë për të dukshmen”, do të bëhen edhe më shumë përpjekje për të hetuar “bashkëpunimin terrorist midis regjimit rus dhe iranian dhe atë që Rusia po i paguan Iranit për një bashkëpunim të tillë”, shkruan CNN.
Çfarë tha Irani: Ministri i Jashtëm i Iranit Hossein Amirabdollahian tha gjatë një konference për shtyp të shtunën se Teherani kishte siguruar një numër të kufizuar armësh përpara se Rusia të pushtonte Ukrainën. /InLajmi/
