Analisti politik Valon Syla ka thënë se e moshuara e cila shihet në video duke u rrahur nga një infermiere është nëna e Taulant Nurës, dëshmor i rënë gjatë luftës në radhët e UÇK-së, përcjell InLajmi.
Syla tha se mungesa njerëzisë dhe respektit për njëri tjetrin ka kaplu kosovarët dhe se sipas tij Kosova është në krisë morale të skajshme.
Syla ka kritikuar mantelbardhët duke thënë se në Kosovë e bëjnë punën shkel e shko kurse kur dalin jashtë vendi punojnë si skllëvër.
Postimi i plotë i tij:
Plaka që e rrehshin infermieret është nëna e Taulant Nurës, dëshmor dhe ushtar i UÇK’së.
Kosova është në krizë morale të skajshme.
Mungesa e njerëzisë dhe respektit për njëri tjetrin, urrejtja, gjelozia dhe poshtërsia, dhuna dhe lincimi i ka kaplu kosovarët.
Një popull i tërë, pret i gatshëm me dalë jashtë. Në Kosovë e bëjnë punen shkel e shko, bile i rrehin edhe plakat. Ndërsa, kur dalin jashtë nuk ju ndihet zëri dhe punojnë si skllevër, duke vazhduar tu e sha Kosovën prej atje, që shkuan pardje.
E gjithë kjo në esencë është krizë e madhe e identitetit, përkatësisë dhe mosnjohjes së vlerave themelore njerëzore e besa edhe shqiptare.
Në këtë ditë, kjo pjesë e çoroditur e Kosovës përpos që se kryen punen e vet qysh duhet, e bjen në gjunj një pjesë tjetër të popullit, që duhet ti kërkoj falje përjetësisht kësaj gruaje, kësaj nëne që edhe djemt i dha për këtë vend.
Marre për të gjithë ne si shoqëri. E pastaj marre për këto sadistet me mantilla të bardhë.
Na fal Zoja Minire Nura.
E di që po të kërkojmë shumë ma shumë se sa që na takon./InLajmi/
