Ministrja e Ekonomisë Artane Rizvanolli, të martën është “rrëfyer” para ligjvënësve në Komisionin për Ekonomi, Industri, Ndërmarrësi dhe Tregti, për furnizimin më energji elektrike në vend sikur edhe funksionin e ndërmarrjeve energjetike, raporton InLajmi.
Derisa ka sqaruar para deputetëve furnizimin me energji, ministrja Rizvanolli nuk e përjashtoi rritjen e çmimit të energjisë, ndërsa bëri të ditur se do të vazhdohet me importimin e saj.
“Gjatë muajve të verës disa njësi të termocentralit kanë qenë remont. Pas kësaj është marr vendimi për shpalljen emergjente me rrymën. Duke qenë se situata nuk pritet të stabilizohet, mirëpo pritet që të vështirësohet gjatë muajve të dimrit, duke qenë se bien temperaturat e konsumi të rritet, me gjithë gjatë dy javëve te fundit kemi parë një ulje të çmimit në tregun evropian, por kjo do të jetë e përkohshme”, u shpreh Rizvanolli
Derisa flet për kursimet e energjisë, ministrja, kujtoi se çmimi i peletit i cili është i përballueshëm dhe ka sasi të mjaftueshme.
“Peleti që ka qenë duke eksportuar tani shitet në Kosovë. Iu lus të miratoni masa emergjente edhe për 30 ditë ligjin për energji. Sasia që prodhohet është e konsiderueshme. Dhe kjo mund të bëhet përmes aprovimit të ligjit për masat ndërhyrje në treg që të vendoset çmim tavan. Importi do të vazhdojë në masën që është e mundur”, tha ministrja.
Ndërkohë, Komisioni pa votat e opozitës miratoi vendimin e Qeverisë për zgjatjen e masave emergjente në energji, pa votat e opozitës, Projektligjin me amendamente për masat e përkohshme të produkteve themelore në raste të veçanta të destabilizimit në treg, i cili me procedurë të shpejtë do të miratohet në lexim të dytë.
