Thashethemet për një rikthim të mundshëm të argjentinasit në Camp Nou po bëhen gjithnjë e më reale.
Shoqëria e Leo Messit thotë se argjentinasi nuk do të kthehet në Barcelonë nëse Gerard Pique nuk largohet nga klubi, sipas Marc Marba.
Mes tyre ka pasur një marrëdhënie shumë të tensionuar që nga largimi i Messit nga Barcelona. Pique thuhet se ka shtyrë për largimin e argjentinasit në një bisedë private me Joan Laporta.
Më herët u raportua se Barcelona mund të ndërpresë në mënyrë të njëanshme kontratën me Pique nëse ai nuk luan 35% të të gjitha ndeshjeve këtë sezon. Përveç kësaj, ka të ngjarë që ai thjesht të vendosë t’i japë fund karrierës së tij vitin e ardhshëm.
Burimi shton se pavarësisht se ku do të luajë më pas, Messi e ka të qartë se ky është sezoni i tij i fundit në Paris Saint-Germain, shkruan Abc.news.al.
Kontrata e tij skadon në korrik dhe ai nuk ka në plan ta rinovojë atë.
