Brenda një jave disa jetë të humbura, e të lënduar si pasojë e aksidenteve në komunikacion, përcjell InLajmi.
Edhe sonte ndodhi një aksident në magjistralen Podujevë-Merdare, përkatësisht në fshatin Shtedim. një person i moshës 30-vjeçare e ka humbur jetën .
Sipas raporteve fillestare në aksident ishin të përfshirë 2 automjete dhe një biçiklist këtë e konfirmoi zëdhënësi i policisë për rajonin e Prishtinës, Agron Borovci.
“Rreth orës 21:45, është pranuar informata për një aksident trafiku rrugor të ndodhur në rrugën magjistrale Podujevë – Merdare. Nga informatat e para bëhet e ditur se dy vetura dhe një biçiklist janë përfshirë në aksident. Si pasojë e aksidentit biçiklisti, mashkull rreth 30 vjeç, ka humbur jetën.Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti” – tha Borovci./InLajmi/
