Këngëtari Alban Skënderaj ka zbuluar detaje nga koncerti tjetër recital për të cilin po punon.
Ai u shpreh se do të jetë diçka historike, që i tejkalon 2 koncertet recitale të mbajtura më parë në Tiranë.
“Me thënë të vërtetën kanë qenë dy koncerte të jashtëzakonshme , është sfidë e jashtëzakonshme për mua se dua të bëj diçka që të them bëra maksimumin që munda dhe është sfidë se kemi një pikënisje, do kisha shumë dëshirë, unë kam nisur edhe me stafin bashkë me Oltin dhe gjithë grupin po flasim jemi në hapat e para, kam qejf që të jetë diçka që e tejkalon hapësira e një ëndrre, që është spektakolare, që është historike, dua të vë një gur dhe të jetë e rëndësishme për karrierën time, dua që të jetë kulmi i karrierës sime dhe asaj që mund të ofroj duke qenë se unë jam në një moshë që mendoj se do të jetë piku. Jemi ende në fillime, ende nuk I kemi vendosur pikat kyçe”, tha ai në “Më lër të flas” në Top Channel.
Gjithashtu ai theksoi se ky koncert do të mbahet vitin tjetër.
