Gjatë natës nëpër shumë lugina dhe ultësira pritet të ketë mjegull dhe vranësira të ulëta të cilat do të qëndrojnë edhe gjatë mëngjesit të nesërm në shumë rajone.
Në Kosovë pritet të kemi përmirësim gradual të motit. Gjatë ditës vranësirat do të largohen dhe priten intervale të gjata kohore me diell. Edhe temperaturat shënojnë rritje dhe ajo maksimale pritet të arrijë deri në 19 gradë Celsius.
Edhe në Shqipëri, Maqedoninë Veriore, Mal të Zi dhe Kosovën lindore nesër pritet të ketë përmirësim substancial të motit, pas një mëngjesi të zymtë në shumë rajone. Gjatë ditës priten intervale kohore me diell dhe erëra të dobëta deri mesatare nga veriu dhe verilindja.
Të dielën edhe më ngrohtë në mesditë. Mëngjesi pritet të jetë i ftohtë dhe nëpër disa lugina dhe ultësira me mjegull. Dita kryesisht stabile dhe e këndshme me shumë rreze diellore në gati tërë rajonin, shkruan Meteo Ballkan.
Edhe ditëve të ardhshme na pret mot kryesisht stabil dhe me intervale të gjata kohore me diell. Netët dhe mëngjeset do të jenë të ftohta, vende-vende me mjegull
