Presidenti rus Vladimir Putin ka shpallur “pavarësinë” e rajoneve ukrainase të Zaporizhia dhe Kherson, ndërsa Rusia përgatitet të shpallë zyrtarisht aneksimin e territorit ukrainas në një përshkallëzim të madh të pushtimit të saj shtatë-mujor.
“Unë urdhëroj njohjen e sovranitetit dhe pavarësisë shtetërore” të Zaporizhia dhe Kherson në Ukrainën jugore, tha Putin në dekretet presidenciale të lëshuara vonë të enjten, transmeton Epoka e Re.
Të 2 rajonet do të përfshihen në Rusi së bashku me republikat e vetëshpallura të Donetsk dhe Luhansk në një ceremoni luksoze në Kremlin të premten pas referendumeve të organizuara me nxitim në rajonet e pushtuara nga Rusia, të cilat pretenduan shumicën deri në 99%. në favor të bashkimit me Rusinë. Putin njohu “pavarësinë” e Donetskut dhe Luhanskut në shkurt.
