Kryeminitri i Kosovës Albin Kurti ka deklaruar se po bëhen një vit kur kanë filluar qytetarët e vendit tonë të marrin shtesa për fëmijë dhe për lehona, përcjell InLajmi.
Sipas tij nga shtatori i vitit të kaluar deri më tani kanë përfituar mbi 200.000 fëmijë dhe mbi 20.000 lehona të reja.
Ai tregon se pak kohë më parë kanë hapur aplikimin për fëmijët që kanë lindur në vitin 20212, ndërsa sipas kryeminitrit në tetor të këtij viti do të hapet aplikimi për shtesa edhe për fëmijët e lindur në vitin 2011.
Postimi i plotë i tij:
Rreth 200 mijë fëmijë dhe mbi 20 mijë lehona përfitues të Shtesave
Këtë muaj po bëhen një vit prej kur për herë të parë filluam skemën e Shtesave për Fëmijë dhe Shtesave për Lehona.
Nga shtatori 2021 e deri më tani, nga këto dy skema kanë përfituar rreth 200 mijë fëmijë, mbi 20 mijë nëna të reja dhe dhjetëra mijëra familje të Republikës.
Rishtazi hapëm aplikimin për fëmijët e lindur në vitin 2012, e në tetor do ta hapim edhe për fëmijët e lindur në vitin 2011. Kështu, gradualisht po zgjerojmë skemën e shtesave drejt synimit tonë për të përfshirë të gjitha gjeneratat deri në moshën 16 vjeçare.
Nuk ka kthim prapa shtatorit të vitit të kaluar. Shtesat për fëmijë dhe lehona janë dëshmi dhe do të bëhen traditë e qeverisjes së mirë.
Të angazhuar që secila familje ta ndiej dorën e shtetit, do të vazhdojmë edhe më tej me politika që në qendër kanë ngritjen e mirëqenies për qytetarët tanë. /InLajmi/
