Kryetari i Partisë Demokratike të Kosovës, Memli Krasniqi, në 23 vjetorin e themelimit të Policisë së Kosovës, ka thënë se policia edhe pse në kushte të vështira mbetet një ndër institucionet më të shquara që ofron siguri për secilin qytetarë të Kosovës, përcjell InLajmi.
Krasniqi ka shprehur respekt për punën dhe angazhimin e mijëra burrave dhe grave për punën të cilët kanë vendosur të shërbejnë në Policinë e Kosovës.
I pari i PDK-së, shprehet mirënjohës për të gjithë pjesëtarët e policisë për punën profesionale në respektim të vlerave profesionale.
Postimi i plotë i tij:
23 vite më parë, Kosova u bë me Shërbimin Policor të Kosovës, që më pas u shndërrua në Polici të Kosovës, për t’i hapur rrugë mbrojtjes së qytetarëve, rendit dhe ligjit në vendin tonë. Aktualisht, Policia jonë, ndonëse me kushte jo të favorshme të punës, e pa paga dinjitoze, mbetet një ndër institucionet më të shquara që ofron shërbim e siguri për secilin, pa dallim.
Respekt për punën dhe angazhimin e mijëra grave e burrave që ndër vite kanë vendosur të shërbejnë në Policinë Kosovës, duke ju përmbajtur me dinjitet vizionit, misionit dhe vlerave të këtij profesioni fisnik.
Përherë mirënjohës! /InLajmi/
