Teksa Ukraina përshkallëzon ofensivën e saj për të rimarrë territorin e pushtuar nga Rusia në jug të vendit, forcat e saj kanë rifituar 4 fshatra dhe kanë thyer mbrojtjen ruse në pika të shumta të vijës së frontit në rajonin Kherson, sipas zyrtarëve ukrainas, transmeton InLajmi.
Presidenti i Ukrainës Volodymyr Zelensky lëshoi gjithashtu një paralajmërim për forcat ruse gjatë fjalimit të tij të mbrëmjes të hënën, duke thënë se ishte koha që ata të “iknin, të shkonin në shtëpi” dhe se “pushtuesit duhet ta dinë se ne do t’i ndjekim ata deri në kufi”.
Megjithatë, një nga këshilltarët e tij paralajmëroi se operacioni do të jetë i ngadalshëm, i cili do të “gërryente armikun”, shkruan CNN.
“Ky proces nuk do të jetë shumë i shpejtë,” tha Oleksiy Arestovych, këshilltar i kreut të zyrës së presidentit të Ukrainës, në një deklaratë, “por do të përfundojë me vendosjen e flamurit ukrainas mbi të gjithë vendbanimet e Ukrainës”. /InLajmi/
