Rizoto me perime dhe mish pule

Një drekë e thjeshtë që nuk kërkon ndonjë kosto të madhe, por që padyshim do ju pëlqejë të gjithëve!

Përbërësit

• 2 karota të prera në kubik të vegjël
• 1 filxhan me misra të gatshëm
• 1 filxhan me bizele të ngrira
• 2 filxhanë me oriz basamati
• 3 gota lëng pule
• 2 lugë gjelle djathë parmixhano i grirë imët
• Borzilok i freskët për servirje
• 1 lugë gjelle vaj ulliri
• 1 qepë e grirë imët
• 1 thelpi hudhër e grimcuar
• 2 gjokse pule të prerë në kubik të vegjël
• Kripë, piper.

Udhëzimet

1. Në një tenxhere në zjarr mesatar shtoni pak vaj ulliri dhe skuqni qepët derisa ato të zbuten.
2. Pas 5-7 minutash shtoni hudhrat.
3. Më pas shtoni mishin e pulës dhe i marinoni me rigon, kripë, piper për shije.
4. I lini për 7 minuta në zjarr.
5. Tani shtoni orizin dhe i përzieni mirë të gjitha bashkë për 1-2 minuta.
6. Shtoni perimet, shtoni kripë e piper dhe lëngun e pulës.
7. Pasi i keni përzierë të gjitha bashkë, i vini kapakun dhe e lini rizoton derisa të pijë komplet lëngun.
8. 5 minutat e fundit i shtoni djathin parmigiano, borzilokun e freskët.
9. E fikni zjarrin dhe e shërbeni nëpër pjata pas disa minutave, shkruan Receta Gatimi.
10. Ju bëftë mirë!