Pas qëndrimit në pushimet e verës, shumë mërgimtarë edhe mëngjesin e sotëm ia kanë mësyrë vendeve perëndimore.
Gjatë kalimit nga Kosova për në shtetin fqinj Serbi, ata edhe sot po përballen me kolona dhe pritje deri në një orë e gjysmë, por pritjet janë dukshëm më të shkurta se mbrëmjen e së enjtes, kur është prit deri në 5 orë.
Qendra Kombëtare për Menaxhim Kufitar, njoftoi se të premten pritje më të gjata ka në pikë-kalimin kufitar në Merdar, atje pritjet në dalje nga Kosova janë deri në një orë e 30 minuta dhe gjatësia e kolonave të makinave është mbi 500 metra. Më pak pritje e kolona ka në vendkalimin kufitar Muçibabë, shkruan Blic.
Në këtë pikë pritjet për dalje janë nga 10 deri në 15 minuta, kurse në hyrje nuk pritet fare.
