Kryeministri i Republikës së Kosovës Albin Kurti ka dënuar incidentin e së shtunës në Uzinën ushtarake në Gramsh të Shqipërisë, përcjell InLajmi.
Kurti, i’u ka uruar shërim të shpejtë ushtarëve të lënduar, të cilët thotë ai janë sulmuar me sprej neutralizues nga 2 shtetasit me pasaporta ruse dhe një me shtetësi ukrainase etë cilët tentuan të hyjnë të shtunën në Uzinën ushtarake në Gramsh.
Shefi i Qeverisë, ka bërë të ditur se drejtuesit e Ministrisë së Mbrojtjes së Kosovës janë në kontakt të vazhdueshëm me zyrtarët e Ministrisë së Mbrojtjes së Shqipërisë.
Për më tepër shefi i ekzekutivit Albin Kurti, shpreson se hetimet e autoriteteve shqiptare do të zbardhin sa më shpejtë rrethanat e ngjarjes.
2 shtetas me pasaporta ruse dhe një ukrainase kanë tentuar të hyjnë mbrëmë në Gramsh të Shqipërisë, për këtë Kurti ka thënë se Ministria e Mbrojtjes së Kosovës është në kontakt me Ministrinë e Mbrojtjes së Shqipërisë.
Gjithashtu kryeministri Kurti ka uruar që hetimet të zbardhin sa më shpejt rrethanat e kësaj ngjarje.
Njoftimi i plotë nga Qeveria e Republikës së Kosovës:
Kryeministri i Republikës së Kosovës, në emër të Qeverisë, e dënon incidentin në Uzinën ushtarake në Gramsh, ku 2 shtetas me pasaporta ruse dhe një ukrainase kanë tentuar të hyjnë mbrëmë.
U dëshirojmë shërim të shpejtë 2 ushtarakëve shqiptarë të lënduar nga sulmi me sprej neoparalizues.
Ministria jonë e Mbrojtjes, është në kontakt me Ministrinë e Mbrojtjes së Republikës së Shqipërisë.
Urojmë që hetimet që po vijojnë nga autoritetet e Shqipërisë të zbardhin sa më shpejtë rrethanat e ngjarjes. /InLajmi/
