Ajo ndjesia e “fryrjes” para se të vijë cikli s’është fiksim i kotë! E vërteta është se gratë shtojnë në peshë gjatë periodave. Madje sipas gjinekologëve, gratë mund të shtojnë deri në 3 kile gjatë ciklit.
Pse ndodh kjo?
Hormonet, mbi të gjitha
Pak përpara ardhjes së periodave, niveli i estrogjenit në trupin e grave është në pikën më të lartë. Për shkak të niveleve të larta të hormonit femëror, trupi priret të grumbullojnë lëngje, të cilat shkaktojnë fryrje. Por me të ardhur periodat, niveli i estrogjenit bie dhe ju ndiheni menjëherë më të lehta.
Përsëri hormonet (progresteroni)
Gjatë fazës së dytë të periodave, ngrihet niveli i progresteronit, i cili shkakton përsëri grumbullimin e ujit, si edhe fryrjen e gjoksit.
Nepsi!
Po, gjatë periodave është normale të kemi neps për çfarëdolloj gjëje, natyrisht, jo për brokoli dhe sallatë jeshile. Ushqimet që na pëlqejnë më shumë janë përgjithësisht të thata, shumë të kripura ose shumë të ëmbla. Edhe këto e mbajnë ujin brenda trupit, shkruan Anabel Magazine.
Periodat shkaktojnë këputje dhe dembelizëm
E fryrë, e pafuqishme; këto janë ndjesitë që shoqërojnë ciklin zakonisht. Prandaj femrat bëhen dembele për të ecur apo për të shkuar në palestër gjatë kësaj periudhe. Duke mos djersitur, nuk e lehtësoni trupin nga ujërat e tepërt.
Burimi: Women’s Health
