Eksperti i Sigurisë, Bedri Elezi ka deklaruar se do të shtyhet edhe për një kohë të caktuar zbatimi i vendimit të Qeverisë së Kosovës për çështjen e targave.
Elezi sipas informacioneve që ka thotë se do të ketë një kërkesë edhe njëherë nga SHBA dhe QUINT-i për të shtyrë datën për çështjen e targave.
“Sipas informacioneve që posedoj se do të ketë një kërkesë sigurisht edhe njëherë të qeverisë amerikane përmes ambasadorit të saj në Prishtinë dhe pastaj nga QUINT-i për të shtyrë këtë datë, në mënyrë që të jepet një kohë e përshtatshme për të komunikuar me qytetarët serb në atë pjesë, pastaj për të koordinuar aktivitetet me KFOR-in dhe besojë që do të shtyhet edhe për një kohë të caktuar zbatimi i vendimit të Qeverisë së Kosovës për çështjen e targave në atë zonë”, ka thënë Elezi për Tëvë1.
Ndryshe, më herët kryeministri i vendit, Albin Kurti ka thënë se vendimi për targat nuk do të shtyhet.
