Noizy u përlot disa herë gjatë koncertit “Alpha Show” dhe ndër arsyet kryesore ishte nëna e tij.
Mesazhet që ajo i dërgonte ishin jo vetëm mbështetje për artistin, por dhe emocion.
“Zemra ime ti bën revolucion kudo shkel këmba jote. Kam qeshur, kam qarë, sa jam kënaqur! Kaq ishte, mori fund një fillim i madh, s’kam fjalë! Je gjëja më e shtrenjtë që kam biri im. Jam shumë e lumtur e na lëntë Zoti kështu siç jemi, si një familje e madhe,” – ishte mesazhi që e ëma i dërgoi Noizyt në orën 1 të mëngjesit, pas përfundimit të koncertit.
Artisti zbuloi mesazhin në telefonin e tij për Euronews Albania, ndërsa gazetari Eraldo Rexho zbuloi edhe emoji-t me shenjën e syrit që e ëma i dërgonte duke ngjallur të qeshura në studio.
Ndryshe ky koncert mblodhi artistë të shumtë, madje edhe ata me të cilët Noizy nuk kishte raporte të mira më herët.
