Kryetari i Lëvizjes Vetëvendosje, Albin Kurti përmes një postimi në Facebook ka thënë se janë mbush 71 vite nga miratimi i Deklaratës Universale për të Drejtat e Njeriut.
Ai ka thënë se tragjedia njerëzore e shkaktuar nga brutaliteti i pashembullt më të egra të mohimit të qenies dhe të drejtave të njeriut, fashizmit dhe nacizmit, kanë mbledhur të gjithë dijen, përkushtimin njerëzor ku gargantuan qenien njeri dhe të drejtat themelore të tij.
“Tragjedia e luftës dhe ato të përditshmet na thërrasin me gjithë fuqinë për angazhim të pandërprerë politik, individual e shoqëror kundër shkeljes dhe shkelësve të të drejtave të njeriut në çdo kohë, për çdo çast, pa ndërprerë”, ka thënë ai.
Kurti tutje ka thënë se përvoja historike mbi 70 vite ka dëshmuar dhe vazhdon të dëshmojë se ky kod i humanizmit politk, i pranuar botërisht, thyhet e nëpërkëmbet nga pushtete të fortë që kanë monopolizuar paranë.
“Përvoja historike mbi shtatëdhjetëvjeçare, ka dëshmuar dhe vazhdon të dëshmojë se, ky kod i humanizmit politik, i pranuar botërisht, i përkthyer në të gjitha gjuhët e shkruara të njerëzimit, i botuar e publikuar në miliarda kopje, thyhet, shkilet e nëpërkëmbet nga pushtete e individë të fortë që kanë monopolizuar paranë, dhunën e pushtetin, në institucione shtetërore e parashtetërore dhe jashtë tyre, duke shkaktuar tragjedi njerëzore individuale e kolektive, për çdo ditë të lume në gjithë rruzullin tokësor.
Të këqijat në formën e papunësisë, deprivimit ekonomik, përjashtimit shoqëror, mohimit të së drejtës në siguri shëndetësore e pensionale, ndotjes së ambientit, mungesës së ujit të pijshëm e ushqimit, dëbimit me dhunën e hekurit e zjarrit të qindra milionë njerëzve nga shtëpitë dhe atdheu i tyre dhe mohimit të shtetësisë e qenies njerëzore në mijëra kampe refugjatësh anembanë botës, janë përditshmëri trishtuese që ngjajnë për çdo ditë, minutë, sekondë, edhe në këtë çast.
Si njerëz e kemi obligim angazhimin për njeriun si qenie me të drejta dhe liri. Duke përmbushur këtë obligim bëhemi ajo që jemi: njerëz të lirë e të drejtë, sepse me të drejta dhe liri”, ka shkruar Kurti./InLajmi/
