4 persona janë plagosur rëndë pasi u goditën nga rrufeja pranë Shtëpisë së Bardhë.
2 burrat dhe 2 gratë ishin në Lafayette Park në Uashington DC kur u goditën nga një stuhi e dhunshme, thanë zyrtarët e zjarrfikësve.
Për shkak të afërsisë së parkut me selinë e presidencës amerikane, anëtarët e shërbimit sekret ishin ndër personat e parë që ndihmuan viktimat, identiteti i të cilëve ende nuk është konfirmuar.
Rrufeja goditi 4 personat pranë një peme afër gardhit që rrethon kompleksin e Shtëpisë së Bardhë të enjten në mbrëmje.
“Të 4 kanë lëndime kritike, të rrezikshme për jetën. Ne ishim në gjendje të trajtonim dhe transportonim shpejt të katër pacientët në spitalet e zonës”, tha zyrtarët e zjarrfikësve.
Zyrtarët ende nuk kanë vërtetuar nëse e njihnin njëri-tjetrin dhe çfarë po bënin para goditjes së rrufesë.
Pas incidentit, një pjesë e parkut mbeti e mbyllur, me shërbimet e urgjencës në vendngjarje.
Shërbimi Kombëtar i Motit kishte lëshuar një paralajmërim për stuhi në këtë zonë mbrëmjen e së enjtes, shkruan A2CNN.
Sheshi Lafayette është një park publik prej shtatë hektarësh në veri të Shtëpisë së Bardhë. Shpesh është e mbushur me vizitorë, veçanërisht gjatë verës.
