Roberto Firmino ka qetësuar fansat e Liverpoolit duke konfirmuar se nuk e ka ndërmend të largohet nga ‘Anfield’.
Ditëve të fundit ‘The Reds’ ka marrë një ofertë nga Juventusi në vlerë 23 milionë euro për sulmuesin brazilian.
Mirëpo, Firmino duke folur për “TNT Sport” thotë se është i lumtur në skuadrën e Jurgen Klopp, dhe se nuk po e mendon largimin.
“Jam shumë i lumtur këtu në Liverpool”, tha ai.
“I jam mirënjohës Zotit që jam këtu për të luajtur në një klub të madh me lojtarë të mëdhenj dhe për të fituar tituj. Dëshira im është të qëndroj këtu”, shkruan RTK.
“Unë dua të qëndroj këtu, jam i lumtur këtu. Kjo është gjithçka që unë dua të them”, përfundoi Firmino.
