Këtë të dielë kryeministri i vendit Albin Kurti zgjodhi të pres në Aeroportin ndërkombëtar të Prishtinës bashkatdhetarët të cilët janë duke ardhë në vendlindje për t’i kaluar pushimet verore, përcjell InLajmi.
Por siç thotë populli një rrugë e 2 punë, përveç që iu uroi mirë se ardhje Kurti u bë edhe “agjent marketing” i telefonisë mobile Vala duke prezantuar :“Pako e Diasporës” e cila është 1 mujore, por me afat 1 vjeçar, ofron minuta pa limit me Valën, 500 minuta nacionale, pa limit SMS me të gjithë, 30GB internet për vetëm 10 euro”.
Kryeministri i Kosovës duhet ta dijë se në Kosovë egziston edhe një operator tjetër i telefonisë mobile IPKO, prandaj nëse i bëhet reklamë një operatori të telefonisë mobile atëherë duhet edhe tjetrës sepse konkurenca dhe tregu i operatorëve ekonomik në Kosovë duhet të jetë i barabartë dhe të mos bëhen dallime nga ana e institucioneve të vendit tonë
Postimi i plotë i tij:
“Pako e Diasporës” e cila është 1 mujore, por me afat 1 vjeçar, ofron minuta pa limit me Valën, 500 minuta nacionale, pa limit SMS me të gjithë, 30GB internet për vetëm 10 euro. Këtë kartelë bashkatdhetarët tanë mund ta blejnë në Aeroportin e Prishtinës, e të cilëve sot iu urova mirëseardhje.
Gjithashtu, Qeveria jonë ka marrë vendim që i inkurajon bashkatdhetarët tanë të angazhohen për 6 muaj në Ministrinë e Punëve të Jashtme dhe Diasporës, në kuadër të programit të “Diplomacisë Qytetare”. Nga lehtësimet shtesë me e-Kosovën për nxjerrjen online të certifikatave të gjendjes civile, të ekstraktit të lindjes, të certifikatës së martesës etj. përfitojnë të gjithë. Ndërkaq, për ata që vijnë me automjete në Kosovë, polica kufitare pasi të paguhet online riimbursohet plotësisht.
Pushime të këndshme /InLajmi/
