Kryetari i Aleancës për Ardhmërinë e Kosovës, Ramush Haradinaj, së fundmi ka reaguar për Qeverinë e Kosovës, përcjell InLajmi.
Haradinaj ka thënë se që nga fillimi i vitit në Kosovës janë kryer 900 intervenime nga zjarrfikësit e Kosovës, ndërsa në vitin e kaluar 2 mijë intervenime.
Lidhur me këtë ai tha se për zjarrfikësit e Kosovës paga po vazhdon të mbetet 430 euro ku me ligj planifikohej të ngritët 736 euro.
Më tej ai shtoi se Qeveria e Kosovës është duke i hyr në haj secilit person që po shërben për shtetin.
Postimi i plotë i tij:
Mbi 900 intervenime kanë kryer zjarrfikësit tanë vetëm në rajonin e Prishtinës, që nga fillimi i këtij viti, e vitin e kaluar mbi 2 mijë intervenime.
Përpos mungesës së stafit, që vërehet më së shumti tani gjatë sezonit veror, nga mosaprovimi i Ligjit të Pagave, ky sektor është dëmtuar mbi 400 mijë euro. Paga bazë e zjarrfikësit vazhdon të mbetet 430€, e me ligj planifikohej të ngritej në 736€, shto kësaj edhe rritjen çdo vit, krahas inflacionit.
Qeveria po i hyn në hak secilit që shërben për shtetin tonë, që rrezikon jetën çdo ditë, për të mbrojtur qytetarët. /InLajmi/
