Ndryshe nga plazhet e jugut, ato të Velipojës në veriperëndim të vendit, duket se në mes të sezonit veror, janë më të frekuentuar nga pushuesit.
Dhe kjo duket jo vetëm nga fluksi i njerëzve, por pohohet edhe nga vetë administratorët e plazheve dhe hoteleve në bregdetin e Velipojës.
Por përse Velipoja është më e preferuar në këtë situatë të krizës ekonomike dhe kur plazhet e tjera të vendit vuajnë për shkak të numrit të ulët të pushuesve, përcjell A2CNN.
Përveç banorëve që jetojnë pranë plazhit të Velipojës, ky i fundit është mjaft i frekuentuar edhe nga bashkëkombësit e Kosovës, të cilët luajnë një rol të rëndësishëm në të ardhurat e turizmit në këtë zonë.
