Raketat ruse kanë goditur një qytet larg vijës së frontit lindor në Ukrainë, duke vrarë të paktën 23 persona, përfshirë 3 fëmijë, thonë zyrtarët ukrainas.
66 persona u shtruan në spital pas sulmit në Vinnytsia, në jug-perëndim të Kievit dhe shumë larg nga zemra e luftimeve në Donbas.
3 raketa ruse goditën një bllok zyre dhe dëmtuan disa ndërtesa banimi.
Presidenti ukrainas Volodymyr Zelensky e quajti atë “një akt të hapur terrorizmi”.
Raketat goditën parkun e makinave të bllokut të zyrave 9- të katëshe rreth orës 10:50, tha Shërbimi Shtetëror i Emergjencave të Ukrainës. Ndërtesat e banimit u goditën gjithashtu në qendër të Vinnytsia, e cila ka një popullsi prej rreth 370 mijë banorësh.
Ministria ruse e mbrojtjes, e cila mohon të ketë shënjestruar civilët, ende nuk ka komentuar mbi sulmin, përcjell A2CNN.
Presidenca ukrainase tha se sulmi kishte ardhur nga raketat Kalibr të lëshuara nga një nëndetëse në Detin e Zi.
