Bashkim Krasniqi, zv/Ministër i Administratës dhe Pushtetit Lokal, i cili i takon komunitetit egjiptian, ka tejkaluar shumën e ndarë për reprezentacion, në të paktën katër muaj.
Zëvendësministri Bashkim Krasniqi, të paktën katër herë që nga marrja e mandatit, në vitin 2017 e ka tejkaluar shumën e lejuar nga buxheti i shtetit për dreka zyrtare.
Krasniqi, e ka tejkaluar këtë shumë për mbi 200 euro. Këto shpenzime pastaj Krasniqit i janë ndalur nga paga mujore.
“Zv.ministri Bashkim Krasniqi ka tejkaluar shumën e lejuar për reprezentacion gjatë muajve nëntor-dhjetor 2017 dhe janar 2018 në vlerën 223 euro, të cilat sipas ministrisë i i janë ndalur nga paga e muajit mars”.
“Po ashtu, në muajin korrik 2018 ka pasur tejkalim të shpenzimeve të reprezentacionit në vlerën prej 44.30 euro që i janë ndalur nga paga”, thuhet në përgjigjen e ministrisë.
Kjo ministri ka ofruar qasje Gazetës Insajderi në shpenzimet e ish-ministrit Ivan Todosjevic, dhe dy zëvendësministrave Bashkim Krasniqi e Beqir Fejzullahu, që nga marrja e mandatit në vitin 2017 deri në mars 2019.
Shpenzimet më të mëdha këta tre zyrtarë i kanë bërë nga kategoria dreka zyrtare, në total 14 mijë e 178 euro, shkruan Insajderi.
MAPL mbi 6 mijë euro udhëtime zyrtare
Udhëtime zyrtare jashtë vendit, ku përfshihen shpenzimet për ushqim, meditje, akomodim, bileta aeroplani, taxi, sigurim shëndetësor, viza, ish-ministri i MAPL-së Ivan Todosjevic dhe dy zëvendësministrat kanë shpenzuar 6 mijë e 579 euro.
Këto shpenzime sipas MAPL-së janë nga viti 2017 deri në vitin 2019. Vetëm Bashkim Krasniqi, ka shpenzuar mbi dy mijë euro kurse.
MAPL i blen telefon 700 euro zv/ministrit
Me buxhet të shtetit Ministria e Administratës dhe Pushtetit Lokal i ka blerë telefon 700 euro, zëvendësministrit Bashkim Krasniqi, qysh në fillim të mandatit të tij.
Përveç tyre deri në mars të këtij viti Krasniqi ka shpenzuar edhe 863 euro të tjera nga kategoria shpenzime telefonike.
Bazuar në të dhënat e ofruara nga MAPL në total ministri dhe dy zëvendësministrat për telefona kanë shpenzuar 4 mijë e 871 euro.
700 euro qira për veturat që përdorë ministri dhe zv/ministri
Ministria e Administratës dhe Pushtetit Lokal nuk ka blerë vetuar që nga viti 2012, por kjo ministri paguan qera për veturat që përdorë ministri dhe zëvendësministrat.
Janë të paktën dy vetura për të cilat ministria paguan qera, të cilat i shfrytëzon në bazë të kontratës që ka më Agjensinë Qendrore të Prokurimit.
Kjo ministri paguan mbi 700 euro qera mujore nga taksat e qytetarëve, shkruan Insajderi, shkruan Insajderi.
Sipas kësaj ministrie zëvendësministri Bashkim Krasniqi, shfrytëzon një veturë të tipit, Hyunday Accent, e cila është blerë nga buxheti i MAPL-së në vitin 2012.
