Policia e Kosovës ka njoftuar se ka ndodhur një aksident trafiku në Vranidoll të komunës së Prishtinës, përcjell InLajmi.
Sipas policisë në aksident janë përfshirë 2 makina dhe janë lënduar 3 persona.
“Rreth orës 13:45 është raportuar për një aksident trafiku rrugor të ndodhur në fshatin Vranidoll të komunës së Prishtinës. Deri më tani bëhet e ditur se në aksident janë përfshirë 2 automjete dhe për pasojë 3 persona kanë pësuar lëndime trupore. Të lënduarit janë dërguar në QKUK, për trajtimin e nevojshëm mjekësor. Policia ka dalë në vendin e ngjarjes dhe ka nisur punën për hetimin e shkaqeve të këtij aksident” , njofton Agron Gashi.
Të lënduarit sipas policisë janë dërguar në QKUK për trajtimin e nevojshëm mjekësor.
Gjithashtu policia theksoi se janë duke e vazhduar hetimin për shkaqet e këtij aksidenti./InLajmi/
