Kreu i Partisë Demokratike të Kosovës, Memli Krasniqi, gjatë ditës së sotme ka vizituar qytetin e Drenasit ku është pritur nga kryetari i kësaj komune, Ramiz Lladrovci, përcjell InLajmi.
Kështu gjatë kësaj vizite Krasniqi është shprehur tejet i lumtur për punën që Lladrovci po bënë në këtë qytet.
Sipas Krasniqit edhe pse nuk kanë përkrahje nga Qeveria e Kosovës përseri po ja dalin mbaë dhe punët po i kryejn më sukses.
Krasniqi nga Drenasi ka premtuar se do punojnë shumë për të sjellë më të mirën tek qytetarët e këtij vende, mbi të gjitha do punihet për t’i realozuar premtimet e bëra.
Postimi i plotë i tij:
Shumë punë, shumë projekte, energji e pashterrshme e performancë shembullore.
Qeverisja e Ramiz Lladrovcit në Drenas tashmë është model edhe për komunat më të mëdha, që nga cilësia e administratës, investimet infrastrukturore, transparenca e deri te përfaqësimi gjinor.
Jashtëzakonisht i lumtur që edhe në vizitën time sot në Drenas, së bashku me Kryetarin Lladrovci dhe ekipin e tij, pamë shumë projekte të reja, nga ndërtimi i urës në Dobroshec, ngritja e kapaciteteve të ujësjellësit në Çikatovë të Vjetër dhe ndërtimi i kolektorit për grumbullimin e ujërave të zeza në Drenas. Të gjitha këto me buxhet te komunës dhe fatkeqësisht pa kurrfarë mbështetje nga Qeveria qendrore.
Pavarësisht sfidave e mungesës së mbështetjes, puna nuk ndalet në Drenas për të sjellë afër qytetarit qeverisjen që kemi premtuar, qeverisjen për të cilën qytetarët kanë nevojë. /InLajmi/
