Gjykata Themelore në Ferizaj e ka dënuar me burgim të përjetshëm, Naser Pajazitajn, i cili u akuzua për vrasjen e Donjeta Pajazitajt. Vendimi është marrë sot nga Themelorja në Ferizaj, pasi vendimin e 27 majit 2021 e kishte kthyer në rivendosje Gjykata e Apelit me vendimin e 29 tetorit 2021.
Gjykata Themelore e Ferizajt e kishte dënuar me burgim të përjetshëm Naser Pajazitajn më 27 maj 2021. Këtë vendim e kishte kthyer mbrapsht Gjykata e Apelit më 27 tetor 2021, kur kishte kthyer rastin në rigjykim në Themeloren e Ferizajt.
Pas rigjykimit, Gjykata Themelore e Ferizajt ka rikonfirmuar sot vendimin e saj të vitit 2021, duke e dënuar me burgim të përjetshëm Naser Pajazitajn për vrasjen e Donjeta Pajazitajt, shkruan Gazeta Express.
Rasti i Naser Pajazitajt është endur nëpër Gjykatat e Kosovës prej vitesh. Fillimisht në Gjykatën Themelore të Pejës, Naser Pajazitaj, ishte shpallur i pafajshëm, derisa pas gjykimit të 2-të në Pejë ishte dënuar me burgim të përjetshëm. Këto 2 aktgjykime i kishte anuluar Gjykata e Apelit, përkatësisht Gjykata Supreme dhe rasti ishte rikthyer në rigjykim.
