Policia e Kosovës ka njoftuar se një veturë është dëmtuar nga një mjet i dyshuar shpërthyes, përcjell InLajmi.
“Rreth orës 06:30, është raportuar se në rrugën “Dalmatët” në Prishtinë , një veturë është dëmtuar nga një mjet i dyshuar shpërthyes. Dyshohet që nga shpërthimi të jenë prekur edhe 2 vetura të tjera të parkuara përreth. Policia menjëherë ka dalë në vendin e ngjarjes, dhe nga informacionet e para dyshohet që ngjarja të ketë ndodhur rreth orës 03:00 , ndërkohë që nuk raportohet për të lënduar. Dëmet materiale dyshohet të kenë ardhur si pasojë e shpërthimit të mjetit shpërthyes që dyshohet të jetë granatë dore. Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen” njofton Policia e Kosovës.
Policia ka njoftuar se ka dalë menjëherë në vendin e ngjarjes.
Tutje policia tregoj se mjeti shpërthyes dyshohet të jetë granat dore.
Policia ka raportuar se nuk ka të lënduar nga ky shpërthim./InLajmi/
