Shef i Grupit Parlamentar të AAK-së, Besnik Tahiri ka thënë se nesër në Kuvend do të kërkoj nga kryeministri Kurti të zmbrapset nga vendimi për Trustin, Ligjin e Pagave, dhe Paga Minimale, pasi ky i fundit është zmbraps nga të gjitha qëndrimet e tij.
Tahiri në Kanal 10 tha se qëndrimet e Kurtit nga “Amelika”, “Flamuri lara-lara”, Energjia” kanë ndryshuar të gjitha, shkruan Portali.info.
“Unë do ta marrë fjalën nesër në Kuvend do të kërkojë nga Kurti që ashtu siç është zmbraps nga të gjitha qëndrimet politike që i ka pasë deri në sitën e sotit, pra Bashkim Kombëtar, Flamuri lara-lara, Amelika, tash Energjia, ky duhet të zmbrapset tash për do qëndrime që i kanë marrë ministrat e vetë e që janë të rëndësishme për popullin e Kosovës. Unë pres, kërkoj që ashtu siç i zmbraps tek energjia, të zmbrapset për Trustin e Ligjin e pagave, Pagën minimale, për efektet që i merr populli i vetë”, tha Tahiri.
