Njohësi i politikës së jashtme, Shqiprim Pula ka folur rreth mundësisë së marrjes së një vendimi më 23 qershor në Këshillin Evropian lidhur me liberalizimin e vizave për Kosovën.
Ai deklaroi se edhe nëse kjo ndodh, janë një varg procedurash që duhet ndjekur deri në një vendimmarrje të plotë.
“Përmendja e kësaj date nëse do të ndodhte që një vendimmarrje e tillë për heqjen e vizave të ndodhte mos harroni se brena BE-së ka një varg procedurash dhe përpos që fillimisht do duhej të theksohej vullneti politik në Union. Pastaj vendet do të duhej të bënin një ratifikim të tillë në mënyrë që të mundësohej qarkullimi i lirë i qytetarëve drejt vendeve të Schengen por kjo natyrisht do kohën e vet dhe sikur të ndodhte e kërkon kohën e vet”, deklaroi ai.
Madje, si kohë optimal për liberalizimin e vizave, njohësi i politikës së jashtme e përmend vitin 2023.
“Tani neve nuk mund ta dimë saktëisht tempon e punës brenda vendeve të anëtare të BE-së, por nëse potencialisht po themi që merret një vendim te Unioni atëherë viti i ardhshëm mund të jetë kalendarik potencial ku qytetarët e Kosovës do të mund të udhëtonin lirshëm drejt zonës Schengen. Brenda këtij viti kam përshtypjen që është pothuasje e pamundur”, shtoi ai, shkruan tëvë1.
Ndërkaq, Pula vlerësoi se për të arritur deri te ky qëllim, institucionet e Kosovës duhet lobuar shumë edhe te vendet anëtare të BE-së të cilat nuk e njohin shtetin e Kosovës.
