Ministri i Mbrojtjes Armend Mehaj, së bashku me Komandanti i FSK-së Gjenerallejtënant Bashkim Jashari, kanë udhëtuar në Bruksel për të marrë pjesë në takimin mujor organizuar nga Sekretari i Mbrojtjes i Shteteve të Bashkuara, Lloyd J. Austin III, përcjell InLajmi.
Mehaj ka thënë se pjesëmarrës janë 50 ministra të vendeve anëtare të NATO-s, që është treguar besim i fuqishëm të SHBA-ve dhe aleatëve në Kosovë.
Gjithashtu ai tha se Austin III e ka organizuar takimin e radhës të Grupit të Kontaktit për të shqyrtuar hapat e ardhshëm të nevojshëm për të ndihmuar Ukrainën.
Postimi i plotë i tij:
Kosova qëndron fuqishëm përkrah SHBA-së dhe aleatëve të saj në Grupin e Kontaktit të Mbrojtjes së Ukrainës
Sot së bashku me Gjeneral Jasharin, udhëtuam në Bruksel për të marrë pjesë në takimin mujor të Grupit të Kontaktit të Mbrojtjes së Ukrainës (UDCG) të organizuar dhe kryesuar nga Sekretari i Mbrojtjes i Shteteve të Bashkuara të Amerikës, Lloyd J. Austin III.
Pjesëmarrja jonë, bashkë me rreth 50 ministra e shefa të mbrojtjes të vendeve anëtare e partnere të NATO-s, në grup të nivelit kaq të lartë, është tregues i fuqishëm i besimit të ndërsjellë dhe partneritetit të fuqishëm të SHBA-së dhe aleatëve të saj në Kosovën.
Sekretari i Mbrojtjes të SHBA-së, Lloyd J. Austin III, e ka ftuar dhe organizuar takimin e radhës të Grupit të Kontaktit të Mbrojtjes së Ukrainës për të identifikuar dhe shqyrtuar hapat e ardhshëm të nevojshëm për të ndihmuar Ukrainën në mbrojtje nga agresioni rus. /InLajmi/
