Një aksident i rëndë trafiku ka ndodhur sot në fshatin Komoran të Drenasit, në magjistralen Prishtinë-Pejë.
Si pasojë, një person ka ndërruar jetë, teksa dy të tjerë janë lënduar.
Nga Policia e Kosovës kanë bërë të ditur se në aksident kanë qenë të përfshira pesë vetura.
” Një aksident ka ndodhur rreth orës 11:15 në fshatin Komoran. Nga ky aksident një person e ka humbur jetën dhe dy të tjerë janë lënduar. Në aksident kanë qenë të përfshira pesë vetura “, kanë thënë nga Policia e Kosovës, raporton lajmi.net.
Policia e Kosovës në për shkak të numrit të madh të aksidenteve bën apel tek te gjithë drejtuesit e automjeteve, që për shkak të ndërrimit të kushteve atmosferike të kenë kujdes të shtuar gjatë drejtimit të automjeteve, dhe të përshtatin shpejtësinë e lëvizjes.
