Rusia do të mbetet një kërcënim për paqen në Evropë edhe pas një armëpushimi në Ukrainë, tha të martën ministri i Jashtëm polak Zbigniew Rau, transmeton InLajmi.
“Që Rusia ndryshon menjëherë pasi është rënë dakord për një armëpushim është një ëndërr. Do të mbetej një rrezik për paqen në Evropë”, tha Rau gjatë një konference të përbashkët shtypi me homologen e tij gjermane Annalena Baerbock.
Rau tha se i frikësohej një pushtimi rus në Poloni, si dhe “rrezikut të një pushtimi të armatosur të vendeve në krahun lindor të NATO-s”.
Polonia dhe Gjermania duhet të përpiqen që Rusia të pësojë një disfatë strategjike dhe forcat e saj pushtuese të lënë Ukrainën brenda kufijve të njohur nga ligji ndërkombëtar, tha gjithashtu Rau, shkruan CNN.
Baerbock gjithashtu e bëri të qartë se rajoni i Donetskut i përkiste Ukrainës, duke thënë, “Ukraina është një shtet sovran brenda kufijve të saj dhe kjo është e vërtetë tani për tani, kjo është e vërtetë që nga viti 2014 dhe kjo është e vërtetë për të ardhmen”. /InLajmi/
