Rusia ka pësuar në 3 muajt e parë të pushtimit të saj në Ukrainë një numër të ngjashëm të vdekjeve me atë të Bashkimit Sovjetik, gjatë 9-të viteve të luftës në Afganistan. Lajmi është raportuar nga Ministria e Mbrojtjes e Mbretërisë së Bashkuar.
“Një kombinim i taktikave të dobëta të nivelit të ulët, mbulimi i kufizuar ajror, mungesa e fleksibilitetit dhe një qasje komanduese, e cila është e përgatitur për të përforcuar dështimin dhe gabimet e përsëritura që ka çuar në këtë shkallë të lartë të viktimave, e cila vazhdon të rritet në ofensivën e Donbasit”, tha inteligjenca britanike.
E marta shënon 3 muaj që kur Rusia nisi sulmin e saj ndaj Ukrainës më 24 shkurt. Pushtimi sovjetik i Afganistanit zgjati nga dhjetori 1979 deri në shkurt 1989.
Numri zyrtar i vdekjeve sovjetike gjatë Luftës në Afganistan ishte rreth 15 mijë ushtarë. Në mars, zyrtarë të lartë të NATO-s vlerësuan se deri në 15 mijë ushtarë rusë mund të jenë vrarë në Ukrainë në vetëm një muaj.
