Ministri i Bujqësisë, Faton Peci, është takuarë me kryetarin e Prishtinës, Përparim Rama, përcjell InLajmi.
Ministri i Bujqësisë ka thënë se në këtë takim biseduan për zhvillimin e sektorit të bujqësisë ashtu edhe në atë të pylltarisë.
Në kuadër të këtij takimi, Peci dhe Rama kanë nënshkruarë memorandumin për mbrojtje të sektorit të pylltarisë në Komunën e Prishtinës.
Postimi i plotë nga Faton Peci:
Sot në vazhdën e takimeve në komuna, zhvillova një takim me Kryetarin e Komunës së Prishtinës Përparim Rama ku bashkëbiseduam për thellim të bashkëpunimit si në zhvillimin e sektorit të bujqësisë ashtu edhe në atë të pylltarisë.
Në kuadër të këtij takimi, nënshkruam
memorandumin për mbrojtje të sektorit të pylltarisë në Komunën e Prishtinës përmes bashkëpunimit të ndërsjelltë me Agjencinë e Pyjeve të Kosovës.
E njoftova Kryetarin Rama për angazhimin e ndërmarrë që përmes hartimit të politikave të duhura zhvillimore, resurset pyjore të Kosovës t’i trajtojmë si një prioritet kombëtar, të cilat janë edhe një potencial i madh për zhvillimin ekonomik të vendit.
U dakorduam që të shohim edhe mundësi të reja bashkëpunimi mes të 2-ja niveleve, me qëllim që të avancojnë dhe fuqizojnë sektorin e bujqësisë në këtë komunë përmes ndarjes së të dhënave, inspektimit gjatë implementimit të programeve tona mbështetëse, pasqyrimin e qartë të pronave dhe tokave bujqësore dhe forcimin e zinxhirit të bashkëpunimit mes nivelit lokal dhe qëndror./InLajmi/
