Sekretarja e Jashtme e Mbretërisë së Bashkuar u ka kërkuar liderëve botërorë që të vazhdojnë të ushtrojnë presion mbi Vladimir Putin duke vendosur sanksione të mëtejshme ndërkombëtare ndaj Rusisë dhe duke furnizuar më shumë armë për Ukrainën, transmeton InLajmi.
Duke folur me gazetarët në një takim të ministrave të jashtëm të G7 në Gjermani, Liz Truss bëri thirrje për më shumë dispozita ushtarake për Ukrainën për të ndihmuar vendin në mbrojtjen e tij kundër Rusisë.
“Është shumë e rëndësishme në këtë kohë që ne të vazhdojmë presionin mbi Vladimir Putin duke furnizuar më shumë armë në Ukrainë dhe duke rritur sanksionet”, tha ajo, shkruan BBC.
Ministrat e jashtëm të G7 janë takuar në Gjermani gjatë 3 ditëve të fundit për të diskutuar luftën në Ukrainë dhe ndikimin e saj, veçanërisht rritjen e çmimeve të ushqimit dhe energjisë në mbarë botën. /InLajmi/
