Beteja përfundimtare për Mariupoli-në po zhvillohet në fabrikën e madhe të çelikut Azovstal, ku qindra luftëtarë ukrainas janë të strehuar në tunele dhe bunkerë nëntokësorë, të rrethuar nga trupat ruse, transmeton InLajmi.
Zyrtarët ukrainas thonë se qyteti ka qenë nën sulme të rënda ruse ditët e fundit, pasi civilët u evakuuan dhe se përpjekjet e forcave pushtuese për të sulmuar atë vend kanë dështuar, pretendime që nuk mund të verifikohen në mënyrë të pavarur.
Në fundjavë, autoritetet thanë se të gjithë të moshuarit, gratë dhe fëmijët ishin shpëtuar në misione të koordinuara nga OKB-ja dhe Kryqi i Kuq. OKB-ja, megjithatë, nuk e ka konfirmuar këtë. Lajmi se të paktën 100 civilë mbeten në vend, i ndarë nga një zyrtar lokal, do të rinovojë shqetësimet për atë që po ndodh atje.
Ndërkohë, familjet e luftëtarëve janë të dëshpëruar për një plan për të garantuar edhe evakuimin e tyre. Kjo, megjithatë, duket shumë e pamundur.
Në një konferencë të jashtëzakonshme shtypi të transmetuar drejtpërdrejt nga një bunker të dielën, 2 luftëtarë hodhën poshtë idenë se ata mund të dorëzoheshin: “Ne nuk kemi shanse të larta për të mbijetuar nëse na kapin,” tha njëri prej tyre.
“Ne në thelb jemi njerëz të vdekur. Shumica prej nesh e dinë këtë”, shkruan BBC.
Qyteti i Mariupol-it është strategjikisht i rëndësishëm për Rusinë, pasi do t’i lejonte Moskës të krijonte një urë tokësore midis zonave lindore të Donetskut dhe Luhanskut./InLajmi/
