Gjigandi shtetëror i naftës dhe gazit i Kinës, CNOOC, thotë se nuk ka plane konkrete për të rimarrë investimet ruse në energji që janë braktisur nga firmat perëndimore pas pushtimit të Ukrainës, transmeton InLajmi.
Së fundmi Shell ishte në bisedime me CNOOC për të shitur një aksion në një fushë masive të gazit natyror të lëngshëm në Rusi.
Por shefi i financave të CNOOC, Xie Weizhi, tha: “Aktualisht konflikti Rusi-Ukrainë është në një fazë komplekse. Ne jemi duke monitoruar situatën dhe nuk kemi ende ndonjë plan apo veprim konkret”.
Ai shtoi se nuk ishte e qartë se si bizneset perëndimore do të shkarkonin investimet e tyre në radhë të parë, pasi ata do të duhej të merrnin miratimin nga Rusia për ta bërë këtë, shkruan BBC.
“Ne nuk e kuptojmë se si ata (madhorët globalë) do të largoheshin nga Rusia dhe kjo në vetvete do të kishte nevojë për miratim nga vendi pritës,” tha ai. /InLajmi/
