Shef i Grupit Parlamentar “Lugina e Bashkuar – SDA Sanxhak” , Shaip Kamberi ka fituar edhe një mandat si deputet në Kuvendin e Serbisë, përcjell InLajmi.
Kamberi është shprehur falënderues ndaj të gjithë atyre që e kanë përkrahur, duke filluar nga qytetarët e Luginës, koalicionit të tij dhe subjekteve politike në Bujanoc.
Kamberi pas kësaj fitore ka premtuar se do të vazhdojë të jetë zëri i të gjithë shqiptarëve pa dallim.
Deputeti theksoi se përtej çdo bindje politike në rend të parë janë shqiptarët.
Postimi i plotë i tij:
Faleminderit pafund ❤️
Qytetarëve të Lagjës së Strukarëve të cilët përtej bindjeve politike sot votuan për përfaqësimin e shqiptarëve.
Njëzëri.
Faleminderit partnerëve të Koalicionit të Shqiptarëve të Luginës për angazhimin, përkushtimin dhe betejën që udhëhoqëm e fituam bashkë.
Faleminderit edhe subjekteve tjera politike që veprojnë në Bujanoc e të cilat ndëgjuan drejtë nevojën e popullit shqiptar për vazhdimin e përfaqësimit parlamentar.
Vëzhguesve të PVD-së, PD-së, LPD-së e APN-së për mbarëvajtjen e procesit zgjedhor duke e ruajtur kështu të drejtën themelore të demokracisë – që mundësuan realizimin e votës së lirë.
28 Prilli na bëri të gjithëve bashkë e bashkë ia dolëm të gjjthë.
Unë do të vazhdojë të jem zëri i të gjithë qytetarëve pa dallim.
Përtej çdo bindje politike janë shqiptarët.
Faleminderit!
Bashkë ia dolëm. /InLajmi/
