Aeroplanmbajtësja amerikane “USS Truman” mbërriti pak më parë në Trieste për një “ndalim operacional teknik”, pas një periudhe 2 mujore stërvitjesh në Adriatik, Jon, Egje dhe Mesdheun Lindor.
Pas shërbimeve të nevojshme, të cilat parashikohet të zgjasin 2 ditë, “përbindëshi” që amerikanë kanë pozicionuar në Mesdhe do të rikthehet në lundrim sërish në zonat më të nxehta të këtij deti.
Një ditë më parë, “USS Truman” u fut në ujërat e Adriatikut duke lundruar përballë brigjeve shqiptare për në veri, pikërisht në Trieste, përcjell ABC News.
“USS Truman” është pjesë e Flotës së 6-të amerikane të pozicionuar në Mesdhe dhe gjatë muajve të fundit është bërë pjesë e operacioneve të rëndësishme ushtarake kundër kërcënimit rus në këtë rajon.
