Prokurori i Përgjithshëm i Ukrainës thotë se 1.222 trupa të vrarë janë gjetur në rajonin e Kievit që kur forcat ruse u tërhoqën nga zona, transmeton InLajmi.
Iryna Veneditktova tha autoritetet ukrainase po hetojnë 5.600 raste të krimeve të dyshuara të luftës të kryera nga trupat ruse që nga fillimi i pushtimit dhe ajo kishte identifikuar mbi 500 kriminelë të dyshuar lufte, duke përfshirë zyrtarë të lartë ushtarakë dhe qeveritarë në Rusi.
“Ajo që shohim në të gjitha rajonet e Ukrainës janë krime lufte, krime kundër njerëzimit dhe ne do të bëjmë gjithçka për ta rregulluar atë”, thotë ajo.
Ajo shton se Ukraina ka prova që Rusia ka kryer një sulm me raketa në një stacion treni në qytetin lindor të Kramatorsk, i cili vrau më shumë se 50 njerëz që prisnin një tren për t’i çuar në perëndim, në një siguri relative, shkruan BBC.
Rusia ka mohuar se ishte përgjegjëse për sulmin e së premtes dhe pretendon se nuk ishte raketa e tyre. Ajo gjithashtu ka mohuar të ketë shënjestruar civilët. /InLajmi/
